Hápunktar Gangverks árið 2023: Nýsköpun og vöxtur
, By Einar Gustafsson
Þegar litið er yfir einstakt ár 2023 stendur Gangverk í fararbroddi tækninýsköpunar og vaxtar. Sú vegferð mótaðist að miklu leyti af samstarfi okkar við Activate, leiðandi ráðgjafarfyrirtæki á sviði tækni og stafrænnar stefnumótunar. Saman lögðum við áherslu á að endurskipuleggja starfsemina í kringum atvinnugreinar og þjónustu og efla getu okkar til að mæta síbreytilegum kröfum tækniheimsins.
Samstarfið hefur skipt sköpum við að móta okkar stefnu, auka umfang og styrkja áhrif okkar í tæknigeiranum. Með þessar undirstöður á sínum stað hóf Gangverk ár vaxtar, sem einkenndist af lykilyfirtökum, stækkandi hópi viðskiptavina og tímamótum í vöruþróun.
Vöxtur Gangverks
Fyrirtækið
Kaupin á Zaelot, fyrirtæki sem er þekkt fyrir sérþekkingu á mönnun teyma (e. staff augmentation) og Salesforce lausnum, mörkuðu tímamót hjá okkur. Með kaupunum fór starfsmannafjöldinn yfir 220 sérfræðinga og þjónustuframboðið jókst, sérstaklega á sviði háþróaðra CRM lausna.
Starfsstöðvar
Alþjóðleg starfsemi okkar, með lykilskrifstofur í Reykjavík, New York, Montevideo og Buenos Aires, undirstrikar áherslu okkar á að þjóna fjölbreyttum og alþjóðlegum hópi viðskiptavina.
Tekjur
Þrátt fyrir mótvind í efnahagslífinu fögnuðum við umtalsverðri tekjuaukningu, sem endurspeglar vaxandi áhrif okkar og árangur í tækniheiminum.
Áfangar með viðskiptavinum
Á árinu stækkuðum við hóp viðskiptavina okkar með áherslu á að rækta tengsl við fyrirtæki sem deila sýn okkar á nýsköpun og framúrskarandi árangur. Með samstarfi við bæði leiðandi fyrirtæki og ung fyrirtæki í sókn höfum við ekki aðeins aukið umfang okkar heldur líka dýpkað sérþekkingu okkar á ólíkum sviðum. Hvert nýtt samband við viðskiptavin er einstakt tækifæri til að sýna hvað í okkur býr og stuðla að velgengni hans.
Nýir viðskiptavinir og verkefni
Play: Árið 2023 snerist samstarf okkar við Play um að efla stafræna markaðssetningu og upplifun viðskiptavina. Meðal lykilverkefna var innleiðing nýrrar viðskiptavinakerfis (CDP), Twilio Segment, innleiðing Mixpanel fyrir ítarlega markaðsgreiningu, AB Tasty til að besta ferðalag viðskiptavina og Fullstory til að fá dýpri innsýn í upplifun og hegðun notenda. Einnig hófst vinna við að bæta vefinn og heildarupplifun viðskiptavina af umsýslu bókana.
Lindblad Expeditions: Vinna okkar með Lindblad Expeditions markaði mikilvægan áfanga í stafrænni umbreytingu fyrirtækisins. Við þróuðum einingaskiptan, headless þjónustuplatform, færðum starfsemina úr eldri kerfum yfir í nútímatækni, innleiddum háþróaða gagnagreiningu og endurhönnuðum vefinn. Þetta leiddi til betri meðhöndlunar gagna, aukinnar umferðar um vefinn, fleiri sölutækifæra og aukinnar sjálfsafgreiðslu, til dæmis bókana á netinu, og festi Lindblad Expeditions í sessi sem leiðandi afl í stafrænni nýsköpun í sínum geira.
Crayon: Samstarf okkar við Crayon, alþjóðlegt leiðandi fyrirtæki í upplýsingatækni og stafrænni umbreytingu, felst í því að nýta tæknilega sérþekkingu okkar til að efla stafrænt þjónustuframboð þess og rekstrarhagkvæmni.
Liberty Rent: Við erum að þróa nýja og framsækna áhættumatsvél fyrir Liberty Rent, sem á að umbylta leiguábyrgðarþjónustu fyrirtækisins. Lausnin mun efla getu þess til að stýra áhættu á skilvirkan hátt og veita fasteignaumsjónaraðilum og leigusölum einfaldari og notendavænni þjónustu.
Julien's Auctions: Samstarf okkar við Julien's Auctions, sem er þekkt fyrir einstaka gripi tengda frægu fólki og afþreyingariðnaðinum, snýst um að efla stafræna upplifun og bæta notendaupplifun, meðal annars með aukinni þátttöku, fleiri sölum og bættu aðgengi.
Samstarfið við Sotheby's
Í meira en átta ár hefur samstarf okkar við Sotheby's, virt nafn á sviði listmunauppboða og einkasölu, verið vegferð mikilla afreka og stafrænnar umbreytingar.
Yfir 130 hæfileikaríkir starfsmenn Gangverks gegndu lykilhlutverki í að þróa stafræna stefnu Sotheby's. Þau hjálpuðu til við að breyta hlutdeild stafrænna söluleiða úr litlum hluta árið 2016 í að yfir 90% allra boða væru gerð á netinu árið 2023, og áttu þátt í því að Sotheby's komst á toppinn í leitarvélum og á samfélagsmiðlum. Fyrrverandi markaðsstjóri Sotheby's lýsti þessari umbreytingu réttilega sem ferðalagi „frá því versta í það besta“.
Nú þegar samstarfi okkar við Sotheby's lýkur erum við ákaflega stolt af því sem við höfum áorkað saman og árangrinum sem náðst hefur. Samstarfið hefur gegnt lykilhlutverki í að efla stafræna ásýnd og aðgengi Sotheby's og stuðlað að áframhaldandi forystu fyrirtækisins á sviði lúxusuppboða. Við sendum Sotheby's okkar bestu óskir og erum þess fullviss að fyrirtækið muni áfram skara fram úr sem stafrænn leiðtogi í þessari virtu grein. Við vonumst til að fá tækifæri til að vinna aftur með Sotheby's að nýsköpun í framtíðinni.
Áfangar í vöruþróun
Árið 2023 tók Gangverk stór skref í eigin vöruþróun, sem endurspeglar áherslu okkar á nýsköpun og framúrskarandi árangur. Við lögðum ekki aðeins áherslu á að bæta núverandi vörur heldur líka á að þróa nýjar lausnir sem mæta breyttum þörfum markaðarins. Áfangar ársins sýna að við getum skapað áhrifaríkar og framsæknar vörur sem höfða til viðskiptavina okkar og notenda þeirra.
dala.care
dala.care er byltingarkennd heilbrigðislausn sem vann mikilvægt útboð hins opinbera sem heimaþjónustulausn fyrir Reykjavíkurborg. Lausnin leggur áherslu á umsýslu skjólstæðinga og fjarheilbrigðisþjónustu, með það að markmiði að bæta heilbrigðisþjónustu og aðgengi að henni.
Áfangar með samstarfsaðilum
Árið 2023 hóf Gangverk stefnumótandi samstarf við fremstu tækni- og þjónustuveitendur, skref sem er grundvallaratriði í því að færa viðskiptavinum okkar fullkomnustu og árangursríkustu lausnirnar. Samstarfið jók ekki aðeins getu okkar heldur gerði okkur líka kleift að bjóða fjölbreytta og framsækna þjónustu sem er sniðin að einstökum þörfum viðskiptavina okkar. Með samstarfi við leiðandi fyrirtæki tryggðum við að viðskiptavinir okkar njóti nýjustu nýjunga og trausts stuðnings í stafrænni umbreytingu sinni.
Þar á meðal eru:
AWS (Amazon Web Services): Sem leiðandi á heimsvísu í skýjaþjónustu býður AWS upp á skalanlegar og traustar skýjalausnir. Samstarfið gerir okkur kleift að nýta mátt skýjatækninnar til að veita viðskiptavinum okkar áreiðanlega og skilvirka þjónustu.
Salesforce: Salesforce, sem er þekkt fyrir lausnir sínar í viðskiptatengslastjórnun (CRM), gerir okkur kleift að bjóða fyrirtækjum heildstæð og háþróuð CRM tól sem bæta samskipti við viðskiptavini og rekstrarhagkvæmni.
Twilio Segment: Þessi þjónusta hjálpar til við að safna, hreinsa og stýra gögnum um viðskiptavini. Samstarfið við Twilio Segment gerir okkur kleift að veita viðskiptavinum okkar einstaka innsýn í hegðun og óskir viðskiptavina sinna og styðja við gagnadrifna ákvarðanatöku.
Fullstory: Fullstory veitir mikilvæga innsýn í samskipti og upplifun notenda. Samstarfið við Fullstory færir okkur tólin til að greina og skilja stafræna upplifun, svo við getum bestað notendaviðmót og ferðalag viðskiptavina.
Verðlaun
Árið 2023 hlaut Gangverk virtar viðurkenningar:
Útflutningsverðlaun forseta Íslands: Verðlaunin hlutum við fyrir framlag okkar til alþjóðlega tæknigeirans og undirstrikuðu hlutverk okkar sem leiðandi afls í tækninýsköpun og útflutningsvexti.
Heiðursverðlaun Webby: Basta, uppboðskerfið okkar, hlaut heiðursverðlaun Webby fyrir tæknilega útfærslu í samstarfsverkefni með Joopiter og 1Rockwell. Viðurkenningin heiðrar framúrskarandi stafrænar lausnir Basta og áhrif þess á uppboðsgeirann.
Horft til næsta árs
Sýn okkar fyrir árið 2024 felur í sér aukna áherslu á greinar á borð við ferðaþjónustu, fjártækni, heilbrigðisþjónustu og lúxusverslun. Við hlökkum til að þróa nýjar lausnir á sviði ferðaþjónustu og gestrisni, sem á að umbylta kerfum fyrir birgðastýringu, bókanir og pantanir og bjóða endanotendum hnökralausa og samþætta upplifun.
Lokaorð
Þegar við lítum yfir þau risaskref sem við tókum árið 2023 færum við dyggu starfsfólki okkar innilegustu þakkir. Sérþekking þess og elja hafa verið hornsteinn árangurs okkar. Kæru viðskiptavinir og samstarfsaðilar, takk fyrir að treysta okkur fyrir viðskiptum ykkar og samstarfi. Traust ykkar á Gangverki knýr áfram áherslu okkar á nýsköpun og framúrskarandi árangur.
Við hvetjum þau sem hafa áhuga á þjónustu okkar, eða vilja kynna sér betur störf okkar árið 2023, til að hafa samband, hvort sem þið viljið umbreyta rekstrinum, kanna nýjar tæknilausnir eða einfaldlega ræða mögulegt samstarf. Gerum 2024 að ári enn meiri afreka og samstarfs.
Looking forward, we invite those interested in our services or eager to learn more about our work in 2023 to reach out to us. Whether you're seeking to transform your business digitally, explore new technological solutions, or simply want to discuss potential collaborations. Let's make 2024 a year of even greater achievements and partnerships.