Skift IDEA-verðlaunin fyrir skapandi hönnun
, By Gangverk
Í sjötta sinn veita Skift IDEA-verðlaunin fyrirtækjum í ferðaþjónustu viðurkenningu fyrir framúrskarandi hönnun, sköpunargáfu og nýsköpun. Verðlaunin beina sjónum að vörumerkjum og fyrirtækjum sem endurskilgreina hvernig við upplifum og könnum heiminn.
Hönnun og nýsköpun í ferðaþjónustu
Flokkurinn Creative Design verðlaunar verkefni sem skara fram úr í þróun áhugaverðrar stafrænnar upplifunar. Þar er meðal annars horft til notendaupplifunar, viðmótshönnunar, nýrrar tækni og mælanlegs árangurs. Viðurkenning á borð við þessa undirstrikar metnað okkar til að bæta stafræna upplifun með markvissri hönnun og tækni.
Nýtt útlit og upplifun: Endurhönnun stafrænnar ásýndar leiðandi fyrirtækis í lúxusævintýraferðum
Þegar fyrirtækið, sem er leiðandi í lúxusævintýraferðum, leitaði til okkar var markmiðið skýrt: Vefsíðan átti ekki aðeins að vera glæsileg í útliti heldur einnig að skila raunverulegum árangri. Við tókumst á við verkefnið með því að endurhanna vefinn frá grunni og gera hann aðgengilegri, aðlaðandi og auðveldari í notkun - ekki síst í farsímum.
Við nýttum einnig tækni frá samstarfsaðilum okkar til að uppfæra lykilþætti vefkerfisins. Með hraðvirkri leit frá Algolia varð auðveldara fyrir notendur að finna viðeigandi efni. Efnisstjórnunarkerfi Contentful einfaldaði uppfærslu og utanumhald efnis og tryggði að vefurinn héldist lifandi og viðeigandi.
Með Twilio Segment fengum við ítarlegri innsýn í hegðun notenda og gátum skapað persónulegri og gagnadrifnari upplifun. Fjárfestingin í þessari tækni skilaði sér í 23% fjölgun nýrra mögulegra viðskiptavina og 30% aukningu bókana.
Áherslan var ekki aðeins á útlit vefsins heldur líka virkni hans. Með því að bæta bæði notendaupplifunina og tæknilega innviði vefsins byggðum við upp vettvang sem setur ný viðmið í lúxusferðaþjónustu. Verkefnið sýnir hvernig vönduð hönnun og markviss tækninotkun geta haft raunveruleg áhrif á samskipti viðskiptavina við vörumerki og stuðlað að vexti í rekstri.
Sérstakar þakkir
Árangur verkefnisins með þessu fyrirtæki byggðist á góðu samstarfi við öfluga tæknilega samstarfsaðila úr greininni: Amazon Web Services (AWS), Segment, Amplitude, Fullstory, Optimizely, Contentful, Bynder, Vercel, Algolia, Versonix Corporation og Mapbox. Verkefnið hefði heldur ekki orðið að veruleika án framúrskarandi teyma Gangverks og viðskiptavinarins.
Við viljum sérstaklega þakka Richard McGovern, Noah Brodsky, David Goodman, Jessica Liese, Dave Costantini, Arthur Theodorou, Lana Barakhan, Mitra Amestoy, Femke Galle, Sven Lindblad, Maxim Rubis, Dolf Berle, Madeleine Morack, Rita Sanchez, Alexander Abu-Samrah, Arnari Kristjánssyni, Árna Árnasyni, Ásdísi Þórhallsdóttur, Áslaugu Björnsdóttur, Benedikt Jónssyni, Birki Björnssyni, Daníel Atlasyni, Dovydas Stankevicius, Einari Arnarssyni, Emilíu Eyjólfsdóttur, Erlu Kjartansdóttur, Frey Tómassyni, Friðriki Friðrikssyni, Guðnýju Eiríksdóttur, Halldóru Jóhannsdóttur, Hilmari Hilmarssyni, Hjálmari Hannessyni, Hjalta Hannessyni, Herði Kristbjörnssyni, Iordanis Tassopoulos, Jóni Jónssyni, Jörundi Jörundssyni, Kjartani Hreinssyni, Kristni Júlíussyni, Kristjáni Aðalsteinssyni, Michael Tran, Nönnu Jónsdóttur, Neptúnusi Egilssyni, Olgu Baranek, Erni Karlssyni, Óttari Guðmundssyni, Pétri Þorgeirssyni, Rafnari Ólafssyni, Ragnheiði Pétursdóttur, Russell Gill, Sigurði Geirssyni, Sól Sæmundsen, Stefáni Jónssyni, Vilhjálmi Hannessyni og Þresti Berg.